புரிந்துக் கொள்ளா இதயங்களுடன்…

இதோ புதுப் பிறவி எடுத்துள்ளேன்
பழையப் பிறவியின் ஞாபகங்களுடன்
இதோ இன்று தான் பிறந்துள்ளேன்
உலகின் அத்துனை அனுபவங்களுடன்
இதோ மூடிய விழி திறந்துள்ளேன்
மூடா விழி கொடுத்த நிகழ்வுகளுடன்
இதோ புதிய இதயம் பெற்றுள்ளேன்
கொழுப்பொத்த கொடிய நினைவுகளுடன்
இதோ புணரமைப்பு செய்துள்ளேன்
எந்த வித மாற்றமும் இல்லாமல்
இதோ வாழ்க்கையைப் புரிந்துள்ளேன்
என்னை புரிந்துக் கொள்ளா இதயங்களுடன்…